काठमाडौं । रावा इनर्जी डेभलपमेन्ट लिमिटेडको कुल २० लाख ६२ हजार ७१७ कित्ता शेयरको लकइन आगामी जेठ २९ गतेपछि सकिने भएको छ । कम्पनीको संस्थापक तर्फको १९ लाख ६० हजार कित्ता, कर्मचारीतर्फको १५ हजार ४७ कित्ता र आयोजना प्रभावित स्थानीयको ८७ हजार ६७० कित्ता शेयरको लकइन आगामी जेठ २९ गतेपछि सकिने भएको हो ।
यी शेयर सर्वसाधारण शेयरधनीहरुमा आईपीओ बाँडफाँट भएको मितिले तीन वर्षसम्मका लागि लकइनमा रहेको थियो । यस कम्पनीले सर्वसाधारण लगानीकर्तामा २०८० साल जेठ १८ गतेदेखि २२ गतेसम्म आईपीओ निष्कासन गरि जेठ ३० गते बाँडफाँट गरेको थियो । आगामी जेठ २९ गतेपछि कारोबारयोग्य हुने यी शेयर सम्बन्धित शेयरधनीहरुले कारोबार गर्न सक्नेछन् ।
