काठमाडौं । पछिल्लो एक घण्टामा लमजुङको भोरलेटारमा सबैभन्दा धेरै ४६.४ मिलिमिटर वर्षा मापन भएको छ।
जल तथा मौसमसम्बन्धी जानकारीअनुसार बुधबार राति ८ः४० बजेसम्म गण्डकी प्रदेशका केही स्थान तथा कोशी र बागमती प्रदेशका थोरै स्थानमा मध्यम वर्षा भइरहेको छ।
ती क्षेत्र तथा आसपासका स्थानमा मेघगर्जन र चट्याङसहित थप वर्षा हुन सक्ने सम्भावना रहेकाले आवश्यक सतर्कता अपनाउन आग्रह गरिएको छ।
