पर्वत । पर्वतको जलजला गाउँपालिका–८ फर्सेमा कालीगण्डकी नदीको बहाव बढेर बस्तीमा पस्दा २५ घर बगेका छन्। आज बिहान करिब ८ बजे आएको बाढीले बस्तीका करिब ८० घरमध्ये २५ घर बगाएको प्रहरीले जनाएको छ। अन्य घरहरू पनि जोखिममा रहेका छन्।
घटनामा हालसम्म कुनै मानवीय क्षति नभएको र बस्तीका सबै स्थानीयलाई सुरक्षित स्थानमा स्थानान्तरण गरिएको छ ।पहिरोका कारण तत्काल प्रहरी टोली घटनास्थलमा पुग्न
नसकेको जनाइएको छ। उक्त स्थान प्रहरी चौकी मिलनचोकबाट करिब ६ किलोमिटर पूर्वमा पर्छ। घटनाको थप विवरण आउन बाँकी रहेको छ।
