गृहमन्त्री सुधन गुरुङले पदबाट राजीनामा दिए

काठमाडौं। गृहमन्त्री सुधन गुरुङले पदबाट राजीनामा दिएका छन्। विवादास्पद व्यवसायी समूहसँगको लगानी सम्बन्ध सार्वजनिक भएपछि चर्को आलोचनाको सामना गरिरहेका गुरुङले बुधबार दिउँसो राजीनामा घोषणा गरेका हुन्।

सम्पत्ति शुद्धीकरण अनुसन्धानसँग जोडिएका व्यवसायी दीपक भट्ट र सुलभ अग्रवाल संलग्न कम्पनीमा लगानी गरेको तथ्य बाहिरिएपछि गृहमन्त्री गुरुङमाथि राजनीतिक तथा सार्वजनिक दबाब बढ्दै गएको थियो।

उनले सामाजिक सञ्जालमार्फत आफ्नो पदबाट अलग हुने निर्णय सार्वजनिक गरेका हुन्। राजीनामापछि सरकारभित्र नयाँ नेतृत्व चयन तथा गृह मन्त्रालयको जिम्मेवारी कसले सम्हाल्ने भन्ने विषयमा थप छलफल हुने अपेक्षा गरिएको छ।

म, सुदन गुरुङ, मिति २०८२ चैत १३ गतेदेखि गृह मन्त्रीको जिम्मेवारीमा इमानदारीपूर्वक काम गर्दै आएको छु। पछिल्ला दिनहरूमा नागरिक स्तरबाट मेरो शेयर लगायतका विषयमा उठेका प्रश्न, टिप्पणी र जनचासोलाई मैले गम्भीर रूपमा लिएको छु।

मेरो लागि पदभन्दा ठूलो कुरा नैतिकता हो, र जनविश्वासभन्दा ठूलो शक्ति कुनै हुँदैन। आज देशमा सुशासन, पारदर्शिता र जवाफदेहिताको माग गर्दै उठिरहेको Gen Z आन्दोलनले पनि यही सन्देश दिएको छ सार्वजनिक जीवन स्वच्छ हुनुपर्छ, नेतृत्व उत्तरदायी हुनुपर्छ।मेरा ४६ जना भाइ बहिनिहरुको रगत र बलिदानी को आडमा बनेको सरकारलाई कसैले प्रश्न गर्छ भने त्यसको जवाफ नैतिकता हो।

त्यसैले, मसँग सम्बन्धित विषयमा निष्पक्ष छानबिन होस् र पदमा रहँदा conflict of interest नदेखियोस र त्यसमा कुनै असर नपरोस् भन्ने उद्देश्यले मैले आजकै मितिदेखि लागू हुने गरी गृह मन्त्री पदबाट राजीनामा दिएको छु।

मैले आफ्नो तर्फबाट नैतिक जिम्मेवारी निर्वाह गरेको छु। अब मेरो अपिल छ, प्रिय सञ्चारकर्मी मित्रहरू, आम नेपाली दाजुभाइ, दिदीबहिनी र युवाहरू, यदि हामी साँच्चै परिवर्तन चाहन्छौँ भने सत्य, इमानदारी र आत्मशुद्धिको बाटोमा सबै उभिनैपर्छ।कति मिडियाकर्मी साथी हरु को कहा कहा स्वीट शेयर छ बिस्तारै आउला, रामराज्यको चाहना राख्नेहरूले त्याग र नैतिक साहस पनि देखाउन सक्नुपर्छ ।