सुर्खेत । प्रदेश नम्बर ६ को सदरमुकामस्थित बसपार्कको अवस्था दयनीय बनेको छ। बसपार्कको अस्तव्यस्त अवस्थाले यात्रु तथा सवारी चालकले सास्ती खेप्नुपरेको छ।
बसपार्कको अवस्था यस्तो हुँदा पनि सम्बन्धित मन्त्री, नगरप्रमुख तथा जिम्मेवार निकायको ध्यान किन जान सकेको छैन भन्ने प्रश्न उठेको छ। सार्वजनिक यातायातको महत्वपूर्ण केन्द्र मानिने बसपार्कको व्यवस्थापन र सुधारमा सम्बन्धित निकायले तत्काल चासो दिनुपर्ने स्थानीयको माग छ।
यात्रुको सहजता, सुरक्षा र व्यवस्थित यातायात सञ्चालनका लागि बसपार्कको अवस्था सुधार गर्न सम्बन्धित निकायले आवश्यक कदम चाल्नुपर्ने देखिन्छ।
