काठमाडौँ । नेपाल उद्योग वाणिज्य महासंघको ६०औँ वार्षिक साधारण सभा तथा निर्वाचन स्थगित गरिएको छ।
चैत २९ र ३० गतेका लागि तय गरिएको कार्यक्रम उच्च अदालत पाटनको अन्तरिम आदेशपछि रोकिएको हो।
नेपाल पेट्रोलियम ढुवानी व्यवसायी महासंघले दायर गरेको रिटमाथि सुनुवाइ गर्दै न्यायाधीशद्वय खड्कबहादुर केसी र दीपक खनालको इजलासले साधारण सभा तथा निर्वाचन नगर्न आदेश दिएको हो।
यसअघि चैत २२ गते नेपाल उद्योग वाणिज्य महासंघ, कार्यकारिणी समिति, सदस्यता समिति र निर्वाचन समितिलाई विपक्षी बनाउँदै उच्च अदालत पाटनमा रिट दायर गरिएको थियो।
