काठमाडौं । गत आर्थिक वर्षको चौथो त्रैमाससम्म फस्र्ट माइक्रोफाइनान्स लघुवित्त वित्तीय संस्था लिमिटेडले १९ करोड ७ लाख रुपैयाँभन्दा बढी खुद नाफा गरेको छ । अघिल्लो वर्षको तुलनामा गत वर्ष सो अवधिसम्म कम्पनीको खुद नाफा ७३ दशमलव ६३ प्रतिशत बृद्धि भएको हो । अघिल्लो वर्षको चौथो त्रैमाससम्म भने कम्पनीले १० करोड ९८ लाख रुपैयाँभन्दा बढी खुद नाफा गरेको थियो ।
गत वर्ष कम्पनीको ब्याज आम्दानी २२ करोड ७४ लाख रुपैयाँभन्दा बढी रहेको छ भने ब्याज खर्च १७ करोड ७२ लाख रुपैयाँभन्दा बढी छ । अघिल्लो वर्ष ५५ करोड ४ लाख रुपैयाँभन्दा बढी ब्याज आम्दानी गरेको कम्पनीले ३३ करोड ८७ लाख रुपैयाँभन्दा बढी ब्याज खर्च गरेको थियो । गत वर्ष कम्पनीको कुल सञ्चाल आम्दानी २२ करोड ९३ लाख रुपैयाँभन्दा बढी रहेको छ ।
कम्पनीको इम्पेरमेन्ट चार्ज भने अघिल्लो वर्ष ९४ लाख ३५ हजार रुपैयाँ रहेकोमा गत वर्ष भने बढेर ११ करोड ८६ लाख रुपैयाँभन्दा बढी कायम भएको छ । खुद नाफा बढेको कम्पनीको वितरणयोग्य नाफा पनि ५० दशमलव ७६ प्रतिशत बढी भएको छ । अघिल्लो वर्ष ९ करोर ३ लाख रुपैयाँभन्दा बढी रहेको वितरणयोग्य नाफा गत वर्ष भने १३ करोड ६१ लाख रुपैयाँभन्दा बढी छ ।
हाल कम्पनीको चुक्तापूँजी १ अर्ब ३४ करोड ४९ लाख रुपैयाँभन्दा बढी छ भने रिटर्न अर्निग १५ करोड २६ लाख रुपैयाँभन्दा बढी छ । कम्पनीको जगेडा कोषमा भने ३४ करोड ८४ लाख रुपैयाँ रहेको छ । कम्पनीले गत आर्थिक वर्षको अन्त्यसम्म ३ अर्ब ७६ करोड रुपैयाँभन्दा बढी कर्जा सापटी लिएको छ भने ४ अर्ब ६५ करोड रुपेयाँभन्दा बढी कर्जा प्रवाह गरेको छ । गुणस्तरीय थोक लघु कर्जा सेवा दिने कम्पनीको रुपमा रहेको यस कम्पनीको निष्क्रिय कर्जा ३ दशमलव ८४ प्रतिशतदेखि घटेर २ दशमलव ८८ प्रतिशत कायम भएको छ । प्रतिशेयर आम्दानी १४ रुपैयाँ १८ पैसा रहेको कम्पनीको प्रतिशेयर नेटवर्थ भने १३७ रुपैयाँ २६ पैसा छ ।
